സ്റ്റേറ്റ് ബാങ്ക് ഓഫ് ഇന്ത്യയിൽ (SBI) അപ്രന്റീസ് തസ്തികയിലേക്ക് ഡിഗ്രിക്കാർക്ക് സുവർണ്ണാവസരം. രാജ്യത്തൊട്ടാകെ 7150 ഒഴിവുകളിലേക്കാണ് അപേക്ഷ ക്ഷണിച്ചിരിക്കുന്നത്.
പ്രധാന വിവരങ്ങൾ:
- തസ്തിക: അപ്രന്റീസ് (Apprentice)
- ആകെ ഒഴിവുകൾ: 7150
- സ്റ്റൈപ്പൻഡ്: പ്രതിമാസം ₹15,000
- അവസാന തീയതി: ജൂൺ 6
യോഗ്യതകൾ:
- വിദ്യാഭ്യാസം: അംഗീകൃത സർവ്വകലാശാലയിൽ നിന്നും ഏതെങ്കിലും വിഷയത്തിൽ ബിരുദം (Degree). അവസാന വർഷ പരീക്ഷാഫലം കാത്തിരിക്കുന്നവർക്കും അപേക്ഷിക്കാം.
- പ്രായപരിധി: 20 മുതൽ 28 വയസ്സുവരെ. (ഉദ്യോഗാർത്ഥികൾ 01.05.1998-നും 30.04.2006-നും ഇടയിൽ ജനിച്ചവരായിരിക്കണം).
തിരഞ്ഞെടുപ്പ് രീതി:
- ഓൺലൈൻ പരീക്ഷ: 100 മാർക്കിന്റെ ഒബ്ജക്ടീവ് പരീക്ഷ (വിഷയങ്ങൾ: ജനറൽ ഇംഗ്ലീഷ്, ക്വാണ്ടിറ്റേറ്റീവ് ആപ്റ്റിറ്റിയൂഡ്, റീസണിങ് എബിലിറ്റി, ജനറൽ/ ഫിനാൻഷ്യൽ അവയർനസ്).
- പ്രാദേശിക ഭാഷാ പരീക്ഷ: അപേക്ഷിക്കുന്ന സംസ്ഥാനത്തെ ഔദ്യോഗിക ഭാഷ അറിഞ്ഞിരിക്കണം. (പത്താം ക്ലാസിലോ പന്ത്രണ്ടാം ക്ലാസിലോ മലയാളം ഒരു ഭാഷയായി പഠിച്ച് പാസായവർക്ക് കേരളത്തിൽ അപേക്ഷിക്കാം).
അപേക്ഷിക്കേണ്ട വിധം: താൽപര്യമുള്ള ഉദ്യോഗാർത്ഥികൾ എസ്.ബി.ഐയുടെ ഔദ്യോഗിക വെബ്സൈറ്റ് സന്ദർശിച്ച് ‘Current Openings’ എന്ന വിഭാഗത്തിൽ നിന്നും അപ്രന്റീസ്ഷിപ്പ് റിക്രൂട്ട്മെന്റ് തിരഞ്ഞെടുത്ത് ഓൺലൈനായി രജിസ്റ്റർ ചെയ്ത് അപേക്ഷ സമർപ്പിക്കുക.
- അപേക്ഷിക്കാനുള്ള ലിങ്ക്: https://sbi.bank.in/web/careers/current-openings
