കൊയിലാണ്ടി വിദ്യാഭ്യാസ മേഖലയെ വർഗ്ഗീയവത്കരിക്കുന്ന പി എം ശ്രീ പദ്ധതി സി പി ഐ കൊയിലാണ്ടി മണ്ഡലം കമ്മിറ്റിയുടെ നേതൃത്വത്തിൽ പ്രതിഷേധ ധർണ സംഘടിപ്പിച്ചു. നഗരസഭാ സാംസ്കാരിക പാർക്കിൽ നടന്ന ധർണ സി പി ഐ ജില്ലാ എക്സിക്യൂട്ടീവ് അംഗം ഇ കെ അജിത് ഉദ്ഘാടനം ചെയ്തു. എൻ ശ്രീധരൻ അദ്ധ്യക്ഷം വഹിച്ചു. മണ്ഡലം സെക്രട്ടറി അഡ്വ എസ് സുനിൽ മോഹൻ സ്വാഗതം പറഞ്ഞു. സി പി ഐ ജില്ലാ കമ്മിറ്റി അംഗം കെ ടി കല്യാണി ടീച്ചർ, പി കെ വിശ്വനാഥൻ, വിജയഭാരതി, കെ സന്തോഷ് ,കെ എസ് രമേശ് ചന്ദ്ര എന്നിവർ സംസാരിച്ചു. ധർണയ്ക്ക് മുന്നോടിയായി നഗരത്തിൽ നടന്ന പ്രകടനത്തിന് കെ ചിന്നൻ, കെ എം ശോഭ, അനിൽ കുമാർ ഇരിങ്ങൽ, എൻ വി എം സത്യൻ, റസിയ ഫൈസൽ എന്നിവർ നേതൃത്വം നൽകി
